Лайфстайл

Ээжээ Тэнэгхэн Хүүгээ Уучлаарай (ЗААВАЛ ОРЖ УНШААРАЙ)

Хорь гарчихсан байж хойморт нь өдөржин хонхойж
Хоол нэхэж, хормойд нь чирэгдэж явна би ээжийнхээ
Хийж өгсөн хоолыг нь голон байж  xopooчиxooд
Хээтэй гангар шаазанг нь шидэн байж хялайчихаад

Угааж өгсөн хувцасыг нь хуучин гэж шидлээд
Унтаж боссон хэвтрээ хэвээр орхиод гарсан би…
Сүүгээр угжсан үнэр нь сүрчигний аагинд алдарч
Сүлжиж өгсөн гэзэг нь бүжгийн талбайд задарч

Сүвлэж хадсан товч нь эрийн энгэрт тасрахад
Сүсэглэж залбирах ижийнхээ санаа алдахыг мэдэрлээ
Үүр шөнийн заагаар үүрэндээ халамцуу ирэхэд минь
Үс нь буурал эмгэн үүд тосон угтахад, би гайхав

Санаа зовнин үрээ хүлээсэн ээжийн минь
Санчиганд нь хяруу унасан нь тэр байжээ
Өчигдрийн дарсанд шартаж хөмсөг зангидан сэрэхэд
Өглөөний цай оронд барьж сэвлэг илсэн ээжийнхээ

Тэнэмэл үрээ гамнаж зэмлэсэн хэдэн үгэнд нь
Тэнэг би ойворгон загнаж, ижийгээ тээр үзлүү яалаа?
Ааваа нэхэн агсам тавихад минь шөнөжин уйлж
Ачлал умартан тунихад минь өдөржин аргадаж

Гээсэн нойроо нөхөх гэж орондоо хөглөрөх үрээ
Гэртээ өнжлөө л гэж баярлахдаа өвчнөө мартдаг ижий
Утасны хонхонд хөл алдаж ухасхийн гүйхэд минь
Урдах цайгаа хөртөл бодолд дарагдсан ээж минь

Үрээ ухааруулах гэсэндээ үхлээрээ айлгах ижийнхээ
Үнэн сэтгэлийг нь анзааралгүй үүдээ саваад гарлаа би…
Харанхуй гудамжинд ганцаар явахдаа би ээжийгээ бодлоо
Халамцуу хүмүүс хажуугаар зөрөхөд би ижийгээ саналаа

3oл6и нохой замд боргоход би “ЭЭЖЭЭ” дуудан цочлоо
Зовхио чилтэл хүлээсэн ижийгээ хараад, би уужирлаа
Уургийг нь гувшиж хүн болчихоод
Усыг нь цутгуулж амьд гарчихаад

Ухаажсан билүү би, ижийнхээ амьдад
Унтах нойрыг нь төрсөн цагаас хугасалчихаад
Урсах нулимыг нь өссөн цагаас барчихаад
Уучлаарай гэж хэлсэн билүү би ээждээ

Бурханг царайчилж үрээ даатгадагт тань
Бурууг минь өршөөж бусдаас өмөөрдөгт тань
ӨBдxөд өмнөөс минь yйлдarт тань
Үрдээ хоргодохдоо ү,х ,э,ж чаддагүйд тань

Ээж таньдаа охин нь баярлалаа гэж хэлье
Энэрэл харам хорвоод ижийгээ дуудаж залбиръя
Үр тань таныгаа үүрээд явъя, нуруундаа биш сэтгэлдээ тээе
Үлдсэн амьдралаа хамт туулъя, үүрд биш ч ү.х.  .тэл хамт байя

Дааж баршгүй ачийг тань марталгүй заавал хариулъя
Дараагийн амьдралдаа та харин охин минь болж төрөөрэй ижий минь..
Мэдэхгүй танийгаа мэлэмрүүлж явсан бол
Мэхийн ёслий таньдааа ээжээ

Leave a Reply

Your email address will not be published.

Back to top button
error: Хуулах хориотой !!