Мэдээ Мэдээлэл

Дельта вирус 2 тун вакцинтай хүмүүст халдварлах магадлал хэдэн хувьтай вэ?

Дэлхий даяар хамгийн өргөн тархсан альфа хувилбартай харьцуулахад дельта омог эмнэлэгт хэвтэх эрсдэлийг хоёр дахин нэмэгдүүлдэг талаар “The Lancet” сэтгүүлд мэдээлжээ. Судлаачид энэ оны гуравдугаар сарын 29-нөөс тавдугаар сарын 23 хүртэлх хугацаанд Их Британид бүртгэгдсэн 43.338 КОВИД-19-ийн тохиолдлыг судалж үзжээ. Вирусний бүх дээжийг геномын дарааллаар судалсан бөгөөд нийт тохиолдлын 80 орчим хувийг альфа бусад нь дельта хувилбараар халдварласан байжээ.

 

Нас, үндэс угсаа, вакцинжуулалтын байдал, суурь өвчин зэрэг хү.чин зүйлүүдийг тооцоолж үзэхэд дельта хувилбараар халдварласан хүмүүс эмнэлэгт хэвтэх эрсдэл хоёр дахин өндөр байгааг судлаачид онцолжээ. Анх БНХАУ-ын Ухань хотод дэгдэж, дэлхий даяар тарсан хувилбараасаа хэд дахин хү.чтэй болсон “SARS-cov2” вирусний дельта хувилбар олон улсад шинэ тахал мэт тархаж, дэлхий дахиныг айдаст автуулаад байгаа билээ. Анх Энэтхэгт үүссэн уг хувилбар өдгөө дэлхийн 170 орчим оронд бүртгэгдээд байгаа бөгөөд цаашид дангаараа зонхилж болзошгүй болоод байгаа юм.

 

Эрдэмтдийн мэдээлснээр энэ хувилбар бидний мэдэх өмнөх хувилбараасаа хэд дахин илүү хө нөөлтэй тул улс орнууд онцгой анхаарал хандуулан бүх боломжоороо тэмцэж, хөл хо.рио зарлан, вакцины III тунг яаравчилж эхэлсэн билээ. Ялангуяа цар тахлын эсрэг амжилттай тэм.цсэн Азийн Филиппин, Тайланд, Вьетнам тэргүүтэй орнууд дельта хувилбарын халдварт онцгой анхаарал хандуулж байна.

 

АНУ-ын Халдвар өвчны хяналт, сэргийллийн төвөөс дельта хувилбар нь “МЕРС”, “САРС”, “Эбола”, ердийн ханиад, улирлын томуу болон 1918 оны испанийн томуу, цагаан цэцэг өвчнийг үүсгэгчээс илүү халдварлах чадвартай бөгөөд тархах чадварын хувьд салхин цэцэг өвчний үүсгэгчтэй адил байна. Мөн дельта хувилбар нэг хүнээс олон хүнд халдварлах болон аль хэдийнээ дархлаажсан хүнийг өвчлүүлэх чадвар 10 дахин илүү байгаа аж. Энэ нь тус хувилбар вакцинжуулалтад бүрэн хамрагдсан хүмүүст дархлаагүй хүмүүсээс бараг я.лгаагүйгээр халдварлах чадвартай гэсэн үг юм. Түүнчлэн сүүлийн үед хүүхдүүд дельта хувилбараар халдварлах тохиолдол эрс нэмэгдсэн байна.

Тухайлбал, Калифорниа мужийн Марин Каунти хотод вакцин хийлгээгүй багш ангийнхандаа коронавирус тараасан байна. Тэрбээр амны хаалтгүйгээр хичээлээ заасан бөгөөд одоогоор ангийнх нь хүүхдүүдийн тал хувиас нь халдвар илрээд байгаа аж. Уг багш вакцинд хамрагдаагүй байснаас гадна шинж тэмдэг илэрсээр байхад шинжилгээ өгөөгүй байна. Шинжилгээний явцад хүүхдүүдийн халдварласан вирусний геномын дарааллыг судалж үзэхэд бүгд хоорондоо холбоотой байжээ.

 

АНУ-ын Өвчнийг хянах, урьдчилан сэргийлэх төвийн тайланд “Багшийн ширээнд хамгийн ойр байрлах нэгдүгээр эгнээний урд сууж буй хүүхдүүд халдвар авах магадлал 80 хувь арын гурван эгнээнд сууж буй хүүхдүүд 21 хувийн магадлалтай байдаг тухай онцолжээ. Танхимаар хичээллэж эхэлсэнтэй холбоотойгоор хүүхдүүд халдвар авах тохиолдол эрс өсөөд байгаа билээ.

 

Үүнтэй холбоотойгоор Хятадын Боловсролын яамнаас ковидын вакцин хийлгээгүй сурагч, оюутнуудыг танхимын хичээлээс хасахыг боловсролын байгууллагадаа хо.ригложээ. Тус улсын Боловсролын яамны спорт, урлагийн боловсролын газрын дарга Ван Дэнфэн баасан гарагт болсон тусгай хэвлэлийн бага хурлын үеэр “Халдвараас урьдчилан сэргийлэх, хяналт тавих ажлыг маш хатуу хийх ёстой” гэжээ.

 

Хятадын Боловсролын яамны төлөөлөгчийн мэдэгдсэнээр, сурагч, оюутнууд болон тэдний гэр бүлийн гишүүд хичээл эхлэхээс дор хаяж хоёр долоо хоногийн өмнө сургууль, их дээд сургуулиуд байрладаг хотоос гарах ёсгүй. Үүнээс гадна, сургуулийн сурагчид, оюутнууд, багш нар болон боловсролын байгууллагуудын бусад ажилтнууд хичээл эхлэхийн өмнө сургуулийн хотхонд ирэхээсээ 48 цагийн өмнө коронавирусний нуклейн хү.члийн шинжилгээ өгч, хариу нь халдваргүй гарсан байх ёстой аж.

news.zindaa.mn

Leave a Reply

Your email address will not be published.

Back to top button
error: Хуулах хориотой !!