Дэлхий дахинааМэдээ МэдээлэлНийгэм

ДЭЛГЭРЭНГҮЙ: Кыргызстан хүүхдүүдэд зvрхний мэc заcaл хийсэн талаар тус улсын хэвлэлээр шуугиж байна…

Б.Болдсайхан тэргүүтэй зvрхний эмч нарын баг Кыргызстан улсад хүүхдүүдэд зvрхний мэc заcaл хийсэн талаар тус улсын “Вечерний Бишкек” хэвлэл мэдээлжээ.

Тус хэвлэлд “Монголын “Хязгаараас чинад” хүмүүнлэгийн багийнхан Кыргызстанд сайн үйлсийн аян өрнүүлэхээр хүрэлцэн ирлээ. Энэ тухай Монгол Улсаас Бүгд Найрамдах Киргиз Улсад суугаа Элчин сайдын яамны хэвлэлийн албанаас мэдээллээ” гэжээ.

Тус мэдээлэлд “Анагаах ухааны доктор, 33 жилийн туршлагатай зvрхний мэc заслын эмч, FAACCP (Америкийн цээжний хөндийн мэc заслын холбоо)-ны гишүүн Б.Болдсайхан, мөн Зvрхний эмч нарын холбооны ерөнхийлөгч, 35 жилийн туршлагатай хүүхдийн зvрх сyдасны зөвлөх эмч Л.Бямбасүрэн зэрэг алдартай эмч нар хүрэлцэн ирлээ.

Эмч нар Монгол Улсаас Бүгд Найрамдах Киргиз Улсад суугаа Онц бөгөөд Бүрэн эрхт Элчин сайд С.Ганхуягийн санаачилга, дэмжлэгээр хүрэлцэн ирсэн.

“Хязгаараас чинад” хүмүүнлэгийн эрүүл мэндийн байгууллага нь зvрхний төрөлхийн гажигтай хүүхдүүдэд эмнэлгийн тусламж үйлчилгээг хоёр дахь жилдээ үзүүлж байна.

Монгол эмч нар хоёрдугаар сарын 2-7-ны хооронд Киргиз улсад ажиллана. Энэ үеэр өдөр бүр ажлын уулзалт хийж, амьжиргааны түвшин доогуур гэр бүлийн хүүхдүүдийг үзэж, зөвлөгөө өгч байна. Мөн Бишкект киргиз эмч нартай хамтарч хоёр хүүхдэд мэc заcaл хийсэн. Хaгaлгaaны дараах хүүхдийн биеийн байдал тогтвортой байна.

Мөн Кыргызстаны алслагдсан бүс нутгийн хоёр хүүхдэд Улаанбаатар хотноо хaгaлгaa хийх бөгөөд бүх зардлыг Монголын тал хариуцна” гэж мэдээлжээ.

Түүнчлэн хоёрдугаар сарын 4-нд Монгол Улсын Элчин сайд, Бүгд Найрамдах Киргиз Улсын Эрүүл мэндийн дэд сайд нартай уулзаж, цаашдын хамтын ажиллагааны талаар ярилцсан байна.

“Хүүхдийн ирээдүй, тэдний эрүүл мэндийн төлөөх хамтын хүчин чармайлт хил хязгааргүй гэдэгт итгэлтэй байна” гэж Б.Болдсайхан эмч хэлжээ. Тэрээр Элчин сайд С.Ганхуяг болон энэхүү айлчлалыг ивээн тэтгэсэн “ДОС Коммюнити Сервис” буяны сан, “Коллпро” ХХК, “Киргизтелеком” ХК, “Новотел” зочид буудлын захиргаанд талархал илэрхийлжээ.

“Нийгмийн ач холбогдолтой энэхүү төслийг Киргиз, Монгол Улсын хооронд дипломат харилцаа тогтоосны 30 жилийн ойн хүрээнд зохион байгуулж байна. Ийм төслүүдийг хэрэгжүүлснээр хоёр орны хамтын ажиллагааг хөгжүүлэх, хоёр орны харилцаа, нөхөрлөлд бодитой хувь нэмэр оруулна гэдэгт итгэлтэй байна” гэж Элчин сайд С.Ганхуяг хэлсэн байна.

Leave a Reply

Your email address will not be published. Required fields are marked *

Back to top button
error: Хуулах хориотой !!